ناروے:سید فصیح الدین سہروردی لورنسکوگ مسلم سینٹر میں محفل نعت میں خصوصی شرکت کرینگے، شرکاء محفل میں بذریعہ قرعہ اندازی عمرے کا ٹکٹ دیا جائیگا

اوسلو(عقیل قادر) غوث اعظم شیخ عبدالقادر جیلانی ؒ کی یاد میں سالانہ بڑی گیارہویں شریف و محفل نعت کا خصوصی پروگرام لورنسکوگ مسلم سینٹر میں 26نومبر بروز اتوار شام پانچ بجے منعقد ہو گا ۔

پروگرام میں عالمی شہرت یافتہ نعت خواں الحاج سید فصیح الدین سہروردی خصوصی شرکت کریں گے اور بارگاہ رسول ﷺ میں عقیدتوں کے پھول نچاور کریں گے۔

ان خیالات کا اظہار لورنسکوگ مسلم سینٹر کے امام و خطیب مفتی طاہر عزیز باروی نے کیا۔ انہوں نے مزید کہا کہ انڈس ٹریول کی جانب سے شرکاء محفل کے لیے قرعہ اندازی کے ذریعے ایک عمرے کے ٹکٹ دیا جائے گا۔

پروگرام میں اوسلو و گردنواح سے بڑی تعداد میں علمائے کرام اور اہل اسلام شرکت فرمائیں گے۔ محفل نعت میں اہل اسلام کو شرکت کی دعوت عام ہے۔