ASFکیڑے مار ادویات سے پاک کاشتکاری کے طریقوں کو فروغ دینے کیلئےپرعزم

کوالالمپور(محمد وقار خان)(اے ایس ایف) Asia Smart Farming کے سافٹ لانچ کا اعلان کرتے ہوئے بہت پرجوش ہے، جو کیڑے مار ادویات سے پاک کاشتکاری کے طریقوں کو فروغ دینے کے لیے پرعزم ہے ۔ASF نے سمارٹ ایگریکلچر سیکٹر میں منصوبوں کی مالی اعانت کے لیے مختلف بین الاقوامی کمپنیز کے ساتھ مفاہمت کی یادداشتوں پر دستخط کیے ۔

آر ایم روی چندر نے 550 ملین روپے کی فنڈنگ کے عزم کا اعلان کیا جس کا مقصد سمارٹ فارمنگ تکنیک کو بڑھانا اور ملائیشیا میں غذائی تحفظ کو فروغ دینا ہے۔ اس سال کا ایونٹ پچھلے سال کے شرکاء کی مسلسل کامیابی کو ظاہر کرے گا، جو کسانوں، نجی شعبے اور سرکاری اداروں کے درمیان ہم آہنگی کو فروغ دینے کے لیے ایک اہم اجتماع کے طور پر کام کرے گا۔

یہ تقریب ہمسایہ ممالک کے ساتھ ملائیشیا کی زرعی ٹیکنالوجیز کے تقابلی تجزیے کی سہولت فراہم کرے گی، اس ٹیکنالوجی میں خوراک کی حفاظت کو بڑھانے اور ماحولیاتی، سماجی، اور گورننس (ESG) اصولوں کے ساتھ ہم آہنگ ہونے کے فریم ورک کا بھی خیال رکھا جائے گا ۔ABS Greentech Sdn کے ایڈوائزری بورڈ کے چیرمین داتو سید منشے افضار الدین اس پلان کی لانچنگ میں خصوصی شرکت کریں گے ۔

ASF کا مقصد پائیدار اور ماحول دوست کاشتکاری کے طریقوں کی حوصلہ افزائی کر کے پورے ایشیا میں زرعی طریقوں میں انقلاب لانا ہے ۔ یہ اقدام جدید ٹیکنالوجیز کے طریقوں کو متعارف کرانے کے لیے بہترین ہے جو نقصان دہ کیڑے مار ادویات کے استعمال کو کم سے کم کرنے کے ساتھ ساتھ ماحول اور صحت عامہ دونوں کی حفاظت کرتاہے ۔