استنبول(شوبز نیوز)شہرہ آفاق تُرک سیریز ’ارطغرل غازی‘ میں حلیمہ سلطان کا کردار نبھانے والی تُرک اداکارہ اسرا بیلگیچ کا نیا اور دیسی پاکستانی انداز سوشل میڈیا پر مقبول ہوگیا ہے۔
اسرا بیلگیچ اپنے نئے پراجیکٹ میں پاکستانی اداکار ارسلان بٹ کے ساتھ کوکنگ آئل اور گھی کے اشتہار میں نظر آرہی ہیں۔
ارسلان بٹ نے فوٹو اینڈ ویڈیو شیئرنگ ایپ انسٹاگرام پر اسرابیلگیچ کے ساتھ اپنی ایک تصویر شیئر کی ہے۔اس تصویر میں دونوں اداکار پاکستان کے روایتی ملبوسات میں نظر آرہے ہیں۔
ارسلان بٹ نے یہ تصویر شیئر کرتے ہوئے لکھا کہ’یہ ایک خوبصورت ملاقات تھی !‘
انہوں نے اسرابیلگیچ کی تعریف کرتے ہوئے لکھا کہ’ یہ بڑے دِل والی عالمی معیار کی فنکارہ ہیں، اللّٰہ اِنہیں نظر بد سے محفوظ رکھے!‘
ارسلان بٹ نے مزید لکھا کہ وہ اسرابیلگیچ کا بہت احترام کرتے ہیں۔ اسرابیلگیچ کا یہ دیسی پاکستانی انداز سوشل میڈیا صارفین کی جانب سے بہت پسند کیا جارہا ہے اور دلچسپ تبصرے بھی کیے جارہے ہیں۔
خیال رہے کہ اس سے پہلے بھی ارسلان بٹ نے اسرابیلگیچ کے ساتھ اپنے انسٹاگرام اکاؤنٹ پر ایک تصویر شیئر کی تھی۔انہوں نے اپنی پوسٹ میں مداحوں کو خوشخبری سُنائی تھی وہ جلد تُرک اداکارہ کے ہمراہ ایک نئے پراجیکٹ میں نظر آئیں گے۔