انجم سیدہ فاطمتہ الزہرا بتول سلام اللہ علیہا اور UKPAKTV LONDONکے زیرانتظام 10ویں سالانہ محفل کا اہتمام
لندن(سدرہ بھٹی)انجم سیدہ فاطمتہ الزہرا بتول سلام اللہ علیہا کے زیر انتظام صاحبزادہ سجادہ نشین حسنین محبوب گیلانی قادری چشتی وارثی (سرپرست اعلیٰ انٹرنیشنل نعت کونسل لاہور ) کی زیر صدارت 28 دسمبر بروز بدھ علامہ اقبال ٹاؤن لاہور میں 10ویں سالانہ محفل با عنوان مخدومہ کائنات کا اہتمام کیا گیا۔
محفل میں پاکستان کے نامور نعت خواں الحاج حافظ نور سلطان اور الحاج شہزاد حنیف مدنی نے بارگاہ پنجن پاک میں گلہائے عقیدت پیش کیا ۔
شہزادی رسول ، زوجہ علی المرتضی،مادر حسنین کریمین ،سیدہ ، طیبہ ، طاہرہ ، عابدہ ، ساجدہ ، زاہدہ نے حضرت فاطمتہ الزہرا بتول سلام اللہ علیہا کی بارگاہ میں نذرانہ عقیدت و محبت پیش کیا ۔
محفل کا اہتمام شاہد محمود چشتی صابری اور صاحبزادہ محمد خاور حسین وارثی چشتی صابری قادری قلندری کی جانب سے کیا گیا۔محفل میں تلاوت قرآن کریم قاری حسن رضا سیالوی اور نقابت کے فرائض عرشیان خیال نے ادا کیے۔
محفل میں حمزہ نعیم، ملک فیضان،ملک نبیل ، سید طاہر محمود،سید دانش شاہ ، سید طیب محمود، قاسم علی چشتی،بابا جی اشرف خادم حسین، عرفان احمد فاروقی ، صفدر حسین، عابد حسین، ملک سرمد اعوان، محمد زین العابدین ، رحیم الدین سہروردی ،انصاری برادران اور ملک پاکستان کے نامور ماشائخ عظام ، علماء کرام ،سیاہی و سماجی اور مذہبی شخصیات نے شرکت کی ۔محفل میں بھر پور تعداد میں عاشقان رسول نے شرکت کی ۔