کوالالمپور میں ماڈرن سٹڈیز کے معروف نام Reskils کے زیر اہتمام پاکستان کے یوم آزادی پر شاندار تقریب

کوالالمپور(محمد وقار خان)ملائشیا کے شہر کوالالمپور میں ماڈرن سٹڈیز کے معروف نام Reskils کے آفس میں پاکستان کے یوم آزادی کا اہتمام کیا گیا ، جس میں پاکستان کے علاوہ دیگر کمیونٹی کے لوگوں نے بھی شرکت کی ۔

ایونٹ کا فوکس آزادی کی خوشی منانے کے ساتھ ساتھ ملائیشیا میں مقامی، کاروباری برادری کے ساتھ تعاون اور مل جل کر کام کرنے کے مواقع تلاش کرنے پر تھا ۔ ایجوکیشن پلس کے CEO جناب ساجد بھٹو اور TTSJ گروپ کے MD جناب اطہر قریشی نے اگلے سال کے آخر تک پاکستان میں 10 لاکھ نوجوانوں کو بااختیار بنانے کے لیے ReSkills کے ساتھ MOU پر دستخط کیے۔

اس تقریب میں ReSkills کی طرف سے Ken lim نے بھی شرکت کی، جنہوں نے اسی مقصد کے لیے حال ہی میں خصوصاً پاکستان کا دورہ کیا تھا ، Ken lim نے واضح کیا کہ نوجوان ReSkills سے کیسے سیکھ سکتے ہیں ۔دیگر شرکاء کا تعلق زندگی کے مختلف شعبوں اور مختلف کمیونیٹیز سے تھا ۔

مسٹر عزیر، امجد سلطان، حنان ارشد ، پاکستان چینل منیجر Reskils ۔ اسکے علاوہ شرکا میںMr. Chong . Mr.Kosmas Miss Sandy نے بھی شرکت کی۔ شرکاء نے پاکستان کے نوجوانوں کو تعلیم یافتہ اور ہنرمند بنانے کے پلان میں دلچسپی ظاہر کی ۔

تقریب میں پاکستان کے 76ویں یوم آزادی کی مناسبت سے آزادی کی خوشی میں قومی ترانے کی گونج میں کیک کاٹا اور پاکستانی و غیر ملکی شرکا نے پاکستان زندہ باد کے نعرے لگائے اور پاکستان کیلئے سلامتی و خوشحالی کے پیغامات دئیے ۔