ریاض (وقار نسیم وامق) پاکستان اور جی سی سی ممالک کے درمیان آزاد تجارت کے ابتدائی معاہدے پر دستخط کر دئیے گئے ہیں جس پرنگران وفاقی وزیر ڈاکٹر گوہر اعجاز اور خلیج تعاون تنظیم کے سیکرٹری جنرل جاسم محمد نے دستخط کیے ہیں۔
سعودی دارالحکومت ریاض میں وفاقی وزیر تجارت ڈاکٹر گوہر اعجاز اور جی سی سی ممالک کی تنظیم خلیج تعاون کے سیکرٹری جنرل جاسم محمد کے درمیان وفود کی سطح پر آزاد تجارت کے حوالے سے مذاکرات ہوئے ۔
جس کے بعد پاکستان اور جی سی سی ممالک کے درمیان آزاد تجارت اور اقتصادی امور کے فروغ کے لئے معاہدے پر دستخط کیے گئے ہیں۔
وفاقی وزیر تجارت ڈاکٹر گوہر اعجاز اور جی سی سی ممالک کی تنظیم کے سیکرٹری جنرل جاسم محمد نے معاہدے پر دستخط کیے ہیں جس پر دونوں رہنماؤں کا کہنا تھا کہ اس معاہدے سے پاکستان اور عرب ممالک کے درمیان تجارتی سرگرمیوں کو فروغ ملے گا اور معاشی ترقی ہوگی۔