شارجہ :معروف گلوکار مہدی حسن خان کو خراج تحسین پیش کرنے کیلئے بزم مہدی حسن خان کا انعقاد

راجھستان انڈیا کے ڈاکٹر دیپیش کمار نے مہدی حسن خان کے فن پر پی ایچ ڈی کی ہے اور مہدی حسن پر ہندی زبان میں ایک مکمل کتاب بھی لکھی ہے

دبئی (طاہر منیر طاہر) گزشتہ دنوں شارجہ کے ایک ریسٹورنٹ میں پاکستان کے معروف گلوکار مہدی حسن خان کو خراج تحسین پیش کرنے کے لئے بزم مہدی حسن خان کا انعقاد کیا گیا۔

تقریب میں موسیقی کے شائقین نے شرکت ، اس موقع پرراجھستان انڈیا کے ڈاکٹر دیپیش کمار جنہوں نے مہدی حسن خان کے فن پر پی ایچ ڈی کی ہے اور مہدی حسن پر ہندی زبان میں ایک مکمل کتاب بھی لکھی ہے۔

انہوں نے گلوکار مہدی حسن خان کی گائیکی پر اپنے فن کا مظاہرہ کیا، مقامی گلوکاروں ندیم ایاز، شفانہ، صمد اور الیاس نے بھی اپنے اپنے فن کا مظاہرہ کیا۔

موسیقی کی اس تقریب میں عماد الحسن نے کمپیئرنگ کے فرائض انجام دئیے جبکہ اشتیاق مرزا نے ڈاکٹر دپیش کی مہدی حسن خان پر لکھی گئی کتاب کے چند اقتباسات پڑھ کرحاضرین محفل کو سنائے۔