بیجنگ (ویب ڈیسک) چین کی نیشنل سائنس اینڈ ٹیکنالوجی کانفرنس، نیشنل سائنس اینڈ ٹیکنالوجی ایوارڈ کانفرنس اور چائنیز اکیڈمی آف سائنسز اور چائنیز اکیڈمی آف سائنسز کی اکیڈمیشنز کانفرنس کا شاندار انعقاد کیا گیا۔ چینی صدر شی جن پھنگ نے اس موقع پر زور دیتے ہوئے کہا کہ سائنس اور ٹیکنالوجی کی ترقی قوم کی خوشحالی کا باعث بنتی ہے اور سائنس اور ٹیکنالوجی کی طاقت ملک کو مضبوط بناتی ہے۔ چھانگ عہ 6 پہلی بار چاند کے دور دراز حصے سے نمونے لے کر بحفاظت زمین پر واپس آ گیا ۔
یہ خلائی طاقت اور سائنس اور ٹیکنالوجی کی طاقت کی تعمیر کے لئے چین کی کوششوں کی ایک تاریخی کامیابی ہے۔اسی روز تین روزہ سمر ڈیووس فورم چین کے شہر دالیئن میں شروع ہوا، جس میں 100 سے زائد ممالک اور علاقوں سے تعلق رکھنے والے تقریباً 1700 چینی اور غیر ملکی مہمانوں نے "مستقبل کی ترقی کی نئی سرحدیں ” پر تبادلہ خیال کیا اور عالمی اقتصادی ترقی کے لئے نئے محرکات اور نئے راستے تلاش کیے۔ شرکاء چین سے ابھرنے والی اعلیٰ معیار کی جدت طراز صنعتوں کی اگلی لہر کے منتظر ہیں۔
حال ہی میں ، بیجنگ میں دوسرا چائنا اربن رینیوئل انوویشن اینڈ ڈیولپمنٹ سمٹ فورم منعقد ہوا ، جہاں شرکاء نے اعلی معیار کی شہرکاری کو فروغ دینے کے لئے نئے خیالات اور نئے طریقوں پر تبادلہ خیال کیا ، اور پائیدار شہری ترقی کی مستقبل کی سمت کو جدت طرازی سے لازم و ملزوم قرار دیا ۔چین کو سائنس اور ٹیکنالوجی اور اختراعی ترقی کی طاقت کی واضح تفہیم ہے ، چین کی جدیدکاری کو سائنسی اور تکنیکی جدید یت کی حمایت حاصل ہونی چاہئے ، اور اعلیٰ معیار اور پائیدار معاشی ترقی کو جدت طرازی اور نئی ٹیکنالوجیوں کے ذریعے چلایا جانا چاہئے۔ اس وقت چین اعلیٰ معیار کی جدت طرازی اور ترقی کی راہ پر نمایاں پیش رفت کر رہا ہے۔ اعداد و شمار سے ظاہر ہوتا ہے کہ 2023 میں چین میں 9 لاکھ 21 ہزار ایجادات کے پیٹنٹس کی منظوری دی گئی ، یوں چین موثر ایجادات کے پیٹنٹس کی تعداد کے لحاظ سے دنیا میں پہلے نمبر پر رہا ۔
اس کے علاوہ ورلڈ انٹلیکچوئل پراپرٹی آرگنائزیشن کی جانب سے جاری کردہ "2023 گلوبل انوویشن انڈیکس رپورٹ” کے مطابق چین دنیا کے ٹاپ 100 سائنس اور ٹیکنالوجی کلسٹرز میں سے 24 کا حامل ہے جو پہلی بار دنیا میں پہلے نمبر پر ہے۔اس سال سمر ڈیووس فورم میں بہت سے شرکاء نے جدت طرازی کے لفظ کا ذکر کیا۔ جدت طرازی کی طاقت کے ساتھ، عالمی اقتصادی ترقی کے مخمصے کو حل کرنے کے لئے "سنہری کلید” تلاش کرنا شرکاء کی مشترکہ توقع اور اتفاق رائے بن گیا ہے،مصنوعی ذہانت، بائیو ٹیکنالوجی اور سبز توانائی کی نمائندگی کرنے والی تکنیکی کامیابیوں نے نہ صرف چینی معیشت کی اعلیٰ معیار کی ترقی میں مضبوط حوصلہ افزائی کی ہے، بلکہ بہت سے غیر ملکی مالی اعانت والے کاروباری اداروں کو چینی مارکیٹ کو گہرا کرنے اور تعاون کی تلاش جاری رکھنے کے لئے نئے مواقع بھی فراہم کیے ہیں۔
چین کی جدت طرازی عالمی پائیدار ترقی کو فروغ دیتی ہے، خاص طور پر نئی توانائی کے شعبے میں۔ ورلڈ اکنامک فورم کے انرجی ٹرانزیشن انڈیکس 2024 کے مطابق، چین دنیا بھر میں صاف توانائی مینوفیکچرنگ ٹیکنالوجیز میں ایک بڑا حصہ دار ہے، 2023 میں ، چین کی نئی توانائی گاڑیوں کی پیداوار اور فروخت دنیا کی کل پیداوار کے 60فیصد سے زائد رہی ، جو لگاتار نو سالوں سے دنیا میں پہلے نمبر پر چلی آ رہی ہے ۔ 2023 میں ، چین نے دنیا کی 510 ملین کلو واٹ کی نئی قابل تجدید توانائی کی صلاحیت میں نصف سے زیادہ حصہ ڈالا۔ اس کے علاوہ چین کی پون بجلی اور فوٹو وولٹک مصنوعات 200 سے زیادہ ممالک اور علاقوں کو برآمد کی گئی ہیں۔ اس وقت چین نے گرین انرجی منصوبوں میں 100 سے زائد ممالک اور علاقوں کے ساتھ تعاون کیا ہے۔ کینیا، جنوبی افریقہ اور دیگر ممالک نے چین کی شمسی اور ہوا کی توانائی کی ٹیکنالوجی کی مدد سے صاف توانائی کی صنعت کو بھرپور طریقے سے ترقی دی ہے، جس سے توانائی کی قلت کے مسئلے کو مؤثر طریقے سے کم کیا گیا ہے۔
جیسا کہ یوریشیا ریسورسز گروپ (لکسمبرگ) کے سی ای او اور گلوبل بیٹری الائنس کے شریک چیئرمین بینیڈکٹ سوبوٹکا نے کہا کہ چین کی نئی توانائی کی صنعت اور ٹیکنالوجی کو ایک طرف رکھتے ہوئے، عالمی سطح پر تخفیف کاربن کی بات کرنا ،غیر حقیقی ہے !یہ ایک ناقابل تردید حقیقت بن چکی ہے کہ دنیا چین کی نئی توانائی ٹیکنالوجی اور صنعت کے اعلیٰ پیمانے کو نظر انداز نہیں کر سکتی ہے،چین نے عالمی سائنسی اور تکنیکی انقلاب اور سبز ترقی کے مواقع سے فائدہ اٹھایا ہے، سبز تبدیلی کو تیز کیا ہے، اعلیٰ سطح کے کھلے پن کو فروغ دیا ہے، اور اعلیٰ معیار کی ترقی کے ساتھ چینی طرز کی جدیدکاری کو فروغ دینے کی کوشش کی ہے۔
جدت طرازی، سبز، کھلے پن اور اشتراک کا چینی تصور تمام فریقوں کی امنگوں کے عین مطابق ہے کہ وہ ترقی کی نئی گنجائش پیدا کرنے کے لئے مل کر کام کریں۔یہ معاشی ضوابط اور عالمی ترقی کے عمومی رجحان سے بھی مطابقت رکھتا ہے،یہ سمجھنا مشکل نہیں ہے کہ دنیا کے زیادہ سے زیادہ ممالک ترقی کی راہ ہموار کرنے کے لئے چین کے ساتھ ہاتھ ملانے کے لئے کیوں تیار ہیں ، کیونکہ وہ دیکھتے ہیں کہ چین کی معاشی تبدیلی اور جدت طرازی کی حامل اعلیٰ معیار کی ترقی دنیا بھر کے کاروباری اداروں کے لئے نئے مواقع لا رہی ہے اور عالمی پائیدار ترقی کے لئے وسیع امکانات فراہم کر رہی ہے۔