انٹاریو(نمائندہ خصوصی)پاکستان پیپلز پارٹی کینیڈا کے صدر چوہدری جاوید گُجر اور جنرل سیکرٹری راؤ محمد طاہر نے پاکستان پیپلز پارٹی کے بانی چیئر مین اور سابق وزیر اعظم ذوالفقار علی بھٹو کے یوم ولادت پر پیپلز پارٹی کے کارکنوں کو مبارک باد دیتے ہو ئے کہا کہ ذولفقار علی بھٹو جیسے رہنما صدیوں بعد پیدا ہوتے ہیں۔
ذوالفقار علی بھٹو نے غریب عوام کو عزت نفس دی اور سیاست کو ڈرائنگ روم سے نکال کر عوام میں لا ئےاور بنیادی اصلاحات کیں۔
پاکستان کی سرزمین بے آئین کو پہلا متفقہ آئین دیا اور ملک کو ایٹمی قوت بنا کر ملکی دفاع کو ناقابل تسخیر بنا دیا۔
دونوں رہنماؤں نے اس بات کا عہد کیا کہ پیپلز پارٹی بلاول بھٹو زرداری کی قیادت میں ذوالفقار علی بھٹو کا مشن جاری رکھے گی۔