مانچسٹر:کریم گروپ آف کمپنیز کے چیئرمین چوہدری عبد الکریم اور ڈائریکٹر چوہدری فیصل کریم کی جانب سے افطار پارٹی کا انعقاد

مانچسٹر (محمد فیاض بشیر سے) کریم گروپ آف کمپنیز کے چیئرمین چوہدری عبد الکریم اور ڈائریکٹر چوہدری فیصل کریم کی مشترکہ کاوشوں سے مانچسٹر کے مقامی ہال میں افطار پارٹی کا انعقاد جس میں کمیونٹی کی سرکردہ شخصیات رکن برطانوی پارلیمنٹ و ترکیہ کے لیے تجارتی مشیر افضل خان ، نامور سماجی و کمیونٹی شخصیت رزاق ساجد ،ہارون کھٹانہ ،ملک عمران خلیل و دیگر نے شرکت کی۔

افضل خان نے کہا کہ ماہ رمضان میں کمیونٹی کے اندر باہمی ہم آہنگی مثالی ہے، ماہ رمضان نے ہمیں صبر و تحمل استقامت اور برداشت کا درس دیا ،ہمیں اسے اپنی زندگی کا حصہ بنانا چاہیے ۔ممتاز سماجی شخصیت رزاق ساجد نے کہا کہ افطار پارٹی میں مختلف مکتبہ فکر کے افراد نے شرکت کی ایسی تقریبات ہونی چاہیے تاکہ کمیونٹی کے اندر باہمی ہم آہنگی بڑھے ۔

ملک عمران خلیل نے کہا افطار پارٹی کی خاص بات ہم نے امت مسلمہ کے لیے اجتماعی دعا کی انکا مزید کہنا تھا کہ تقریب کی خاص بات ہم آقائے کائنات کے اسوہ حسنہ پر سیر حاصل گفتگو کرتے ہوئے اسے اپنی زندگی کا حصہ بنانے کا عزم کیا ۔

تقریب میں شریک دیگر افراد نے بھی میزبان چوہدری عبد الکریم کی کمیونٹی کو جوڑنے کی کاوشوں کو زبردست الفاظ میں خراج تحسین پیش کیا ۔ میزبان چوہدری عبد الکریم اور چوہدری فیصل کریم نے مہمانوں کا شکریہ ادا کرتے ہوئے کہا کہ ہم ہر سال ماہ رمضان میں بہت بڑی افطار پارٹی کا انعقاد کرتے ہیں جس میں تمام مکتبہ فکر کے افراد کو دعوت دیتے ہیں تاکہ کمیونٹی کے اندر باہمی اتحاد و ہم آہنگی پیدا ہو۔

انہوں نے خاص پیغام دیتے ہوئے کہا کہ جسطرح ماہ رمضان کے آخری عشرہ اور جمعۃ الوداع کی شام ہم افطار کے لیے اکٹھے ہوئے اللہ تعالیٰ سال بھر ہمیں نیکی کے کام کرنے کی ہمت و توفیق عطا فرمائے۔

گریٹر مانچسٹر میں بسنے والی پاکستانی کمیونٹی کے اندر باہمی ہم آہنگی و اتحاد و اتفاق کو عملی جامہ پہنانے میں چوہدری عبد الکریم کی کاوشوں کو کمیونٹی کے اندر بے حد پذیرائی کے ساتھ سراہا جاتا ہے۔