برسی کا اہتمام پاکستان پیپلز پارٹی گلف و مڈل ایسٹ نے کیا،جیالوں کی شرکت
مقررین نے قائد عوام شہید ذوالفقارعلی بھٹو کو زبردست الفاظ میں خراج تحسین پیش کیا
سابق ممبر پی پی پی فیڈرل کونسل مطلوب وڑ ائچ کی تقریب میں خصوصی شرکت
دبئی (طاہر منیر طاہر) شہید ذوالفقارعلی بھٹو کی 46ویں برسی پاکستان پیپلز پارٹی گلف و مڈل ایسٹ کی جانب سے دبئی کے ایک ریسٹورنٹ میں منائی گئی،جس میں امارات کی تمام ریاستوں سے پارٹی قائدین و جیالوں نے شرکت کی، برسی کی تقریب میں قائد عوام شہید ذوالفقارعلی بھٹو کے افکارونظریات پر تقاریر کی گئیں جن میں پاکستان کے غیور عوام اور پاکستان کے لئے کی گئیں قربانیوں و جدجہد کو خراج عقیدت پیش کیاگیا۔
چیئرمین بلاول بھٹو زرداری اور صدر پاکستان آصف علی زرداری کے ساتھ اظہار یکجہتی کا اظہار کیا گیا، پروگرام کی صدارت میاں منیر ہانس صدر پی پی پی گلف اور کینیڈا سے آئے سابق ممبر پی پی پی فیڈرل کونسل مطلوب وڑ ائچ نے بطور مہمان خصوصی شرکت کی،تقریب کے میزبان ملک اسحاق انچارج پالیسی پلاننگ پی پی پی گلف ، ملک اسلم ایڈیشنل سیکریڑی جنرل نے پروگرام کی نظامت کے فرائض انجام دیے۔
سیکریڑی انفارمیشن پی پی پی گلف ذوالفقارعلی مغل و دیگر شرکاء نے کہا کہ پینتا لیس سال بعد پاکستان کی اعلی عدالتوں نے اس بات کااقرار کیا کہ شہید ذوا لفقار علی بھٹو کو ناحق تختہ دار پر لٹکایا گیاتھا اور انصاف کے تقاضوں کو پورا نہ کیا گیا،پاکستان پیپلزپارٹی نصف صدی سے جو انصاف مانگ رہی تھی وہ اب ملا،لیکن پاکستان کو ایک عظیم لیڈر سے محروم کردیاگیااور پاکستان کو ناقابل تلافی نقصان پہنچایاگیا۔
ہم پاکستان کی عدالتوں سے اپیل کرتے ہیں کہ جو لوگ پاکستان کے اس نقصان کا باعث بنے تھے خواہ وہ عدالتوں کے ججز تھے یا وقت کے آمر تھے اُن کے لیے بھی ایک فیصلہ جاری کریں اور اُن کو بھی مجرم قرار ٹھہرایا جائے۔
برسی کی تقریب میں شفیق الرحمان صدیقی ، عرفان قمر گوندل، قیصر آفریدی ، ملک ثاقب درانپور ، عائشہ منیر ہانس ، قاری میاں منور ، کاظمی فرہاد ، محمد زبیر ، رضوان عبداللہ ، منارٹی ونگ نوفل عالم ، عاطف گیلانی ، احسان شفیق گوگا، رائے سعید منج ، طاہر گردیزی ، نور مگسی ، فاروق بانیاں ، غضنفر نقوی ، ممتاز جونیجو ، فرخ سیدین و دیگر جیالوں نے شرکت کی۔
پروگرام کے آخر میں سیکریڑی انفارمیشن ذوالفقارعلی مغل نے شہید ذوالفقارعلی بھٹ،و شہید محترمہ بینظیر بھٹو اور دیگر پارٹی شہداء کے درجات کی بلندی اور پنڈال میں موجود تمام شرکاء کے مرحومین کے لیے دعائے مغفرت کروائی۔