پاکستان پرائیویٹ اسکولز اینڈ کالجز ایسوسی ایشن ڈسٹرکٹ سائوتھ کی جانب سے افطار ڈنر کا اہتمام

سویڈن سے پاکستان پروموشن نیٹ ورک یورپ کے وفد کی خصوصی شرکت

کراچی(نمائندہ خصوصی)پاکستانی نجی اسکولز اور کالجز کی واحد نمائندہ نمائندہ ایسوسی ایشن (پاکستان پرائیویٹ اسکولز اینڈ کالجز ایسوسی ایشن) کی جانب سے کراچی شہر میں افطار اعشائیے کا اہتمام ہوا، جس میں شہر بھر کی اسکول و کالج تنطیموں کے نمائندگان اور عہدیداران نے شرکت کی۔

افطارڈنر میں سویڈن سے پاکستان پروموشن نیٹ ورک یورپ کے وفد نے زبیر حسین کی سربراہی میں خصوصی شرکت کی۔

چیئر مین پاکستان پرائیویٹ اسکولز اینڈ کالجز ایسویس ایشن انور علی بھٹی نے شرکاء سےگفتگو کرتے ہوئے تعلیمی اداروں کو درپیش مسائل کے حوالے سے آگاہی فراہم کی، اس حوالے سے سویڈن کے وفد نے تعلیمی میدان میں معاونت کے لئے اپنےبھرپور تعاون کی یقین دہانی کروائی۔

تمام تعلیمی اداروں کے سربراہان نے اس بات پر آمادگی بھی ظاہر کی کہ میٹرک اور انٹر بورڈ کے امتحان کے لئے حکومت سے مطالبہ کیا جائے گا کہ ایک خودکار سسٹم متعارف کروایا جائے جس کے تحت طلبہ کو اپنی رہائش کے نزدیک ہی امتحانی مراکز میسر آسکیں ۔