پاکستان جرنلسٹس فورم، یو اے ای کی طرف سے اظہار تعزیت
مرحوم ایک ملنسار شخصیت اور اعلی اخلاق کے ما لک تھے،عبدالشکور مرزا
دبئی (طاہر منیر طاہر) ایسوسی ایٹڈ پریس أف پاکستان سیالکوٹ کے اسٹا ف فوٹو گرافر ڈاکٹر محمد منیر بٹ کے بڑے بھائی میونسپل کارپوریشن سیالکوٹ کے کمپیوٹر آپریٹر عمیر بٹ اور سیالکوٹ جیل کے اسٹاف فوٹو گرافر شعیب بٹ کے والد محترم عبدالمجید بٹ صدر فوٹو جرنلسٹس ایسوسی ایشن،یف ایڈیٹر نیوز البم،اعزازی فوٹو گرافر ہفت رزہ اخبار جہاں کراچی اور ایگزیکٹو ممبر کمیونٹی ڈ ویلپمنٹ کنسرن سیالکوٹ گزشتہ دنوں انتقال کر گئے۔
(إِنَّا ِلِلَّٰهِ وَإِنَّا إِلَيْهِ رَاجِعُونَ) عبدالمجید بٹ کے سانحہ ارتحال پر ان کے دوستوں عبدالشکور مرزا، ایم یونس چودھری، اکبر جمیل باجوہ، ذوا لفقار علی بھٹی اور طاہر منیر طاہر نے کہا ہے کہ مرحوم ایک محنتی، ملنسار شخصیت اور اعلی اخلاق کے ما لک تھے۔سیالکوٹ کی صحافت میں وہ نمایاں مقام رکھتے تھے۔
عبدالمجید بٹ کے انتقال سے سیالکوٹ کے اچھے صحافیوں کی صف میں خلاء پیدا ہو گیا ہے جو ایک عرصہ تک محسوس کیا جاتا رہے گا۔
سیالکوٹ میں مقیم عبدالمجید بٹ کے دوسرے دوستوں اور پاکستان جرنلسٹس فورم، یو اے ای کی طرف سے بھی عبدالمجید بٹ کے انتقال پر اظہار تعزیت کرتے ھوئے مرحوم کے لئے دعائے مغفرت اور لواحقین کے لئے دعائے صبر جمیل کی ہے۔