نیورن برگ(نمائندہ خصوصی)نیورن برگ Ammern dorf جرمنی میں ممتاز سماجی رہنما اور عاشق رسول عبدالعزیز خان کے خریدے گئے نئے خان ہائوس پر افتتاحی تقریب کا انعقاد ہوا۔تقریب میں جرمنی بھر سے دوست احباب کی بڑی تعداد نے بمعہ فیملی شرکت کی ۔
اس موقع پر شاندار محفل میلاد کا انعقاد کیا گیا جس کی صدارت فرینکفرٹ جرمنی سے تشریف لائے پیر سید جعفر علی شاہ سواتی نے کی ،خصوصی خطاب کوبلنز سے تشریف لائے ہو ئے ممتاز اسلامی سکالر ، چیئرمین پیس کونسل خطیب و امام جامع مسجد دارالسلام کوبلنز جرمنی حضرت علامہ مفتی ممتاز حسین پیرزادہ نے کیا۔
انھوں نے خطاب کرتے ہو ئے کہا کہ اس زمانے میں نوجوانوں کو حضور اکرمؐ کی ذات بابرکات سے عشقی تعلق زندہ کرنے کی ضرورت ہے ، اگر ہم اپنی نوجوان نسل کو عشق رسول، محبت رسالت مآب، تعظیم نبوی کا رشتہ جوڑنے میں کامیاب ہو گئے تو دنیا و آخرت میں کامیابی آپ کے قدم چومے گی جبکہ تلاوت کلام پاک کا شرف امام و خطیب جامع مسجد مدینہ پاک دارالسلام نیورن برگ قاری خالد محمود نے حاصل کیا۔
عامر خان آف نیورن برگ کے صاحبزادوں نے جرمن زبان میں خطاب کیا ،بارگاہ رسالت میں گلہائے عقیدت کے پھول نچھاور کئے گئے ، درود سلام کے نذرانے پیش کئے گئے، امت مسلمہ کی سلامتی اور ترقی کیلئے خصوصی دعا ہوئی اس موقع پر سوئٹزرلینڈ باصل سے روحانی سلسلہ غوثیہ اشرفیہ کے چشم و چراغ پیر طریقت ، رہبر شریعت حضرت پیر صاحبزادہ سید علی جیلانی اشرفی نے ٹیلی فون پر خصوصی دعا فرمائی۔
آخر میں میزبان جناب عبدالعزیز خان نے مہمانان گرامی قدر کی خدمت میں پر تکلف کھانا پیش کیا اور تمام مہمانوں کا شکریہ ادا کیا۔
