ایم ڈی یسرا گروپ محمد یونس ملک کی جانب سے ڈائریکٹر میویدا گروپ عاطف شعیب اور صالحہ اریج کے اعزاز میں تقریب

ڈائریکٹر عاطف شعیب نے ہاؤسنگ پروجیکٹ پر مکمل بریفنگ دی،صالحہ اریج نے اوور سیز بلاک کی ڈاکو مینٹری دکھائی اور تفصیلاً آگاہ کیا

تقریب میں یسرا گروپ اور میویدا گروپ کے درمیان ایم او یو بھی سائن کیا گیا

دبئی(طاہر منیر طاہر)یسرا گروپ کے ایم ڈی محمد یونس ملک کی طرف سے میویدا گروپ ہاؤسنگ سو سائٹی اسلام آباد کے ڈائریکٹر عاطف شعیب اور صالحہ اریج کے اعزاز میں دبئی کے مقامی ریسٹورنٹ میں ڈنر تقریب کا اہتمام کیا۔

میز بان محمد یونس ملک نے مہمانوں کا پھولوں سے شاندار استقبال کیا، اس موقع پر میو یدا گروپ کے ڈائریکٹر عاطف شعیب نے ہاؤسنگ پروجیکٹ پر مکمل بریفنگ دی اور صالحہ اریج نے ویڈیو کے ذریعے اوور سیز بلاک کی مکمل ڈاکو مینٹری دکھائی اور تفصیلاً آگاہ کیا۔

ڈنر تقریب میں یسرا گروپ کے ایم ڈی محمد یونس ملک اور میویدا گروپ کے ڈائریکٹر ز عاطف شعیب اور صالحہ اریج کے درمیان ایم او یو سائن کیا گیا جس میں اوور سیز کیلئے دبئی میں سیلز اور مارکیٹنگ کا کام یسرا گروپ کریگی۔

محمد یونس ملک نے اس موقع پر کہا کہ اوور سیز پاکستانیوں کیلئے پاکستان میں انویسٹمنٹ کے بہترین مواقع موجود ہیں اس سے تمام اوور سیز کو فائدہ حاصل کرنا چاہیے، اس موقع پر انویسٹمنٹ کی شاندار آفرز کی گئی ہیں اور آسان اقساط پر کم قیمت پلاٹس آفر کئے گئے ہیں۔

تقریب میں تمام دوستوں نے اپنے مکمل تعاون اور انویسٹمنٹ کی یقین دہانی کروائی تقریب میں رانا اظہر اترا، شفیق الرحمن، طارق اقبال، مرزا ساجد حسین، ممتاز حسین، مرزا عابد حسین کے علاوہ دیگر دوستوں نے شرکت کی اور پاکستان میں میویدا گروپ میں انویسٹمنٹ کی دلچسپی کا اظہار بھی کیا، اور کہا کہ ہم انشاء اللہ اپنے دوستوں کو بھی اس شاندار پروجیکٹ کا حصہ بھی بنائیں گے۔

آخر میں محمد یونس ملک نے تمام دوستوں کا دلی شکریہ ادا کیا۔