مسلم روزویلفیئر چیریٹی کی فنڈریزنگ تقریب، انسانیت اورفلاحی کاموں میں خدمات سرانجام دینے والے افراد کو ایوارڈز سے نوازا گیا

لندن(نمائندہ خصوصی) عالمی شہرت یافتہ کشمیری تھنک ٹینک گلوبل پاک کشمیر سپریم کونسل کے چیئرمین راجہ سکندر خان نے سائوتھ ہال ویسٹ لندن TKC ریسٹورنٹ میں مسلم روز ویلفیئر چیریٹی کی چیف ایگزیکٹو سارہ قیوم کی ایوارڈ تقریب اور چیریٹی تقریب میں شرکت کی اور اس کی صدارت کی۔ جس میں لندن کے ساتھ ہر طبقہ فکر کے لوگوں نے شرکت کی۔

پروگرام کا آغاز آکسفورڈ اسلامک انفارمیشن سنٹر کے ڈائریکٹر اور آکسفورڈ یونیورسٹی کے امام ڈاکٹر شیخ رمزی کی تلاوت کلام پاک سے ہوا جس کے بعد نعت پیش کی گئی اور مسلم روز ویلفیئر چیریٹی کی چیف ایگزیکٹو سارہ قیوم کے کام کا مختصر تعارف پیش کیا گیا۔

فہیم کیانی صدر تحریک کشمیر یوکے کو ان کی کشمیر کاز کے لیے خدمات پر ایوارڈ سے نوازا گیا، کالا خان صدر گلوبل پاک کشمیر سپریم کونسل کو ان کی انسانی خدمات پر نوازا گیا، برجنگ گیپ چائلڈ کیئر سلو کے چیف ایگزیکٹو محمد زاہد راجہ کو کمیونٹی کے لیے خدمات پر ایوارڈ دیا گیا، ایسٹ لندن کے بزنس مین ساجد خان کو مہمان نوازی اور انسانی خدمات پر، ایسٹ لندن سے راجہ اعجاز محمود کو کمیونٹی کے لیے خدمات پر ایوارڈ دیا گیا، سردار شفقت خان صدر یو کے پاکستان چیمبر آف کامرس اینڈ انڈسٹری (یو کے پی سی سی آئی) کو بزنس کمیونٹی کے لیے ان کی خدمات پر اور TKC ساؤتھال کے دلاور چوہدری کو مہمان نوازی کے کام پر نوازا گیا۔

بیرسٹر محمود خان، بزنس مین ساجد خان ایسٹ لندن، میجر (ر) حسن ملک، ڈاکٹر شیخ رمزی، بارکنگ سے کونسلر قیصر عباس، محمد جمیل اور دیگر کو اسٹیج پر مدعو کیا گیا تاکہ مذکورہ شخصیات کو ایوارڈز پیش کیے جائیں ۔

ایوارڈ کی تقریب کے بعد مسلم روز ویلفیئر چیریٹیز کی چیف ایگزیکٹو سارہ قیوم نے اپنے چیریٹی کاموں کا پریزنٹیشن پیش کیا جو بنیادی طور پر سندھ کے انتہائی دیہی علاقے تھر پارکر میں کیے گئے تھے، انہوں نے 10 مساجد، اسکول بنائے ہیں جہاں ان کے تقریباً 400 طلباء زیر تعلیم ہیں اور ان کا خیراتی ادارہ طلباء کو مفت تعلیم کے ساتھ ساتھ یونیفارم اور دوپہر کے کھانے کے ساتھ ساتھ انہوں نے ڈسپنسریاں بھی بنائی ہیں اور ان کی چیریٹی نے تھر پارکر کے لوگوں کو پینے کے صاف پانی کے ساتھ 500 سے زائد واٹر ہینڈ پمپ بھی فراہم کیے ہیں جس سے وہ ماضی میں محروم تھے۔

چیئرمین گلوبل پاک کشمیر سپریم کونسل راجہ سکندر خان نے صدر تحریک کشمیر برطانیہ فہیم کیانی، محمد زاہد راجہ، ڈاکٹر شیخ رمزی اور رکی لوبو کے ہمراہ اپنے خطاب میں وہاں موجود لوگوں کو دل کھول کر عطیات دینے کی ترغیب دی ۔

تقریب کے شرکاء میں محمد ضمیر، محمد سلیم، مونا بیگ، آغا تنویر، حاجی تالاب ویلفیئر ایسوسی ایشن کے چیئرمین راجہ حمید حسین، فیروز احمد برمنگھم سے محمد جمیل کشمیری کارکن نائلہ اور متعدد لوگ شامل تھے۔

آخر میں سارہ قیام اور راجہ سکندر خان نے تقریب میں شرکت کرنے اور اسے کامیاب بنانے پر الیکٹرانک اور پرنٹ میڈیا کے نمائندوں کے ساتھ ساتھ ہر ایک کا شکریہ ادا کیا۔