سٹاک ہوم(تارکین وطن نیوز)سویڈن میں مقیم معروف کاروباری شخصیت اور کشمیر کونسل سویڈن کے صدر سردار تیمور عزیز کشمیری اور نائب صدر بلال مصطفیٰ کو کشمیر کے نام سے گاڑی کی نمبر پلیٹ حاصل کرنے کا اعزاز حاصل ہو گیا۔
سردار تیمور عزیز کشمیری اور بلال مصطفیٰ نے میڈیا سے بات چیت کرتے ہوئے بتایا کہ مظلوم کشمیریوں کے لئے آواز بلند کرنا اور ان کے حقوق کی جنگ لڑنا ان کے خون میں شامل ہے جس کے لئے وہ جو بھی کر سکتے ہیں وہ کرتے رہیں گے۔
انہوں نے کہا کہ جب کشمیر کے نام کی نمبر پلیٹ سویڈن کی سڑکوں پر دوڑے گی تو سویڈش لوگوں کو مظلوم کشمیریوں پر ہونے والے مظالم کی یاد دلاتی رہے گی۔
اس کے علاوہ انہو ں نے کہا کہ پوری دنیا میں کشمیر کے نام کی یہ پہلی نمبر پلیٹ ہے جسکا اعزاز ان کو حاصل ہوا ہے۔