مسلم لیگ ن دبئی کے سینئر نائب صدر چودھری عبدالرزاق کے چھوٹے بھائی محمد عرفاق حرکت قلب بند ہونے سے انتقال کر گئے

مرحوم محمد عرفاق کو سیکڑوں سوگواروں کی موجودگی میں ان کے آبائی قبرستان میں سپرد خاک کر دیا گیا

چودھری عبدالرزاق سے اظہار تعزیت، مرحوم کے لئے دعائے مغفرت اور لواحقین کے لئے دعائے صبر جمیل کی گئی

دبئی (طاہر منیر طاہر) مسلم لیگ ن دبئی کے سینئر نائب صدر چودھری عبدالرزاق کے چھوٹے بھائی محمد عرفاق گزشتہ دنوں حرکت قلب بند ہونے سے سہارا ہسپتال نارووال میں انتقال کر گئے۔

مرحوم محمد عرفاق کی عمر38 برس تھی، وہ ایک عرصہ تک دبئی میں بسلسلہ روزگاررہے ہیں اور اب کچھ عرصہ سے پاکستان میں تھے، مرحوم محمد عرفاق نے اپنے پسماندگان میں 7 سالہ بیٹا فیض رسول اور بیوہ چھوڑی ہے۔ مرحوم محمد عرفاق کو سیکڑوں سوگواروں کی موجودگی میں ان کے آبائی قبرستان میں سپرد خاک کر دیا گیا۔

محمد عرفاق کے انتقال پرمسلم لیگ ن متحدہ عرب امارات کے عہدیداران، ممبران، کارکنوں اورعزیز و اقارب نے چودھری عبدالرزاق سے اظہار تعزیت کرتے ھوئے مرحوم محمد عرفاق کے لئے دعائے مغفرت اور لواحقین کے لئے دعائے صبر جمیل کی ہے۔