احمد سلیم کی عمر 77 برس تھی، انتقال اسلام آباد میں ہوا
وہ 100 سے زائد کتابوں کے مصنف اور متعدد ٹی وی ڈراموں کے لکھاری بھی تھے
پی جے ایف کی طرف سے عارف شاہد سے اظہار تعزیت اور مرحوم کے لئے دعائے مغفرت کی گئی
دبئی (طاہر منیر طاہر) پاکستان جرنلسٹس فورم کے سینئر ممبرعارف شاہد کے برادر نسبتی احمد سلیم گزشتہ روز اسلام آباد میں انتقال کر گئے۔
انتقال کے وقت احمد سلیم کی عمر 77 برس تھی، وہ 100سے زائد کتابوں کے مصنف اور متعدد ٹی وی ڈراموں کے لکھاری بھی تھے، انہوں نے PTV کی ڈرامہ سیریل "اماوس” کے علاوہ متعدد مشہور ڈرامے تحریر کئے۔
احمد سلیم پاکستان آرکائیوز کے ڈائریکٹر بھی رہے، وہ اعلیٰ پائے کے مترجم اور پنجابی کے معتبر شاعر بھی رہے، احمد سلیم کے انتقال پر پاکستان جرنلسٹس فورم کے ارکان اور عارف شاہد کے دوستوں نے ان سے اظہار تعزیت کرتے ہوئے مرحوم کے لئے دعائے بخشش و مغفرت اور لواحقین کےلئے دعائے صبر جمیل کی ہے۔