گلوبل پاک کشمیر سپریم کونسل کے زیر نگرانی لندن سمیت دنیا بھر میں یوم یکجہتی کشمیر بھرپور انداز میں منایا جائیگا

لندن (نمائندہ خصوصی) گلوبل پاک کشمیر سپریم کونسل کے چیئرمین راجہ سکندر خان اور صدر کالا خان یوم یکجہتی کشمیر کے موقع پر ایک ہائی پروفائل "کشمیر کانفرنس” کی میزبانی کر رہے ہیں۔ 5فروری برٹش ہاؤس آف پارلیمنٹ لندن جس میں بہت سی برطانوی سیاسی شخصیات، انسانی حقوق کی تنظیموں کے سربراہان، کمیونٹی لیڈران اور کمیونٹی کے معززین شرکت کریں گے تاکہ ہندوستانی مقبوضہ کشمیر کے مظلوم عوام کی حمایت اور یکجہتی کا اظہار کیا جا سکے۔

گلوبل پاک کشمیر سپریم کونسل آزاد جموں کشمیر چیپٹر کے صدر سید شبیر احمد نائب صدر پروفیسر ڈاکٹر راجہ عبدالرحمن اور ان کی ٹیم علامہ اقبال اوپن یونیورسٹی ریجنل کیمپس میرپور کے اشتراک سے اپنے ریجنل کیمپس میرپور میں مشترکہ طور پر یوم یکجہتی کشمیر کی میزبانی کر رہے ہیں۔

گلوبل پاک کشمیر سپریم کونسل کے ہیڈ آفس لندن کی ہدایات پر ان کی خواتین ونگ پنجاب لاہور میں ان کی صدر خواتین ونگ فرح ناز اپنی ٹیم اور گلوبل پاک کشمیر سپریم کونسل خواتین ونگ سندھ کراچی میں ان کی نائب صدر خواتین ونگ رضوانہ فاروق اپنی ٹیم کے ہمراہ یوم یکجہتی کشمیر ریلی کی میزبانی کر رہے ہیں اور گلوبل پاک کشمیر سپریم کونسل کے صدر ڈسٹرکٹ باغ آزاد جموں و کشمیر پروفیسر سید حلیم گردیزی بھی باغ میں یوم یکجہتی کشمیر کی تقریب کی میزبانی کریں گے۔

مذکورہ بالا تمام یوم یکجہتی کشمیر کی تقریبات 5 فروری کو ہونے کے بعد الیکٹرانک اور پرنٹ میڈیا میں شائع کی جائیں گی، چیئرمین راجہ سکندر خان نے تمام معزز کمیونٹی سے عاجزانہ درخواست کی ہے کہ وہ اپنے مقامی علاقوں میں ہونے والی ان تقریبات میں شرکت کرکے اپنی حمایت کا بھارتی مقبوضہ کشمیر کے معصوم عوام کے ساتھ اظہار یکجہتی اظہار کریں۔