دنیا بھر میں پاکستان کا پرچم بلند کرنے والا سپر سٹار”ارشد ندیم”

جیولن سپر اسٹار ارشد ندیم کو ملک کا پہلا انفرادی گولڈ میڈل حاصل کرنے پر مبارکباد

ارشد ندیم کے ساتھ ساتھ ان کے کوچ سلمان بٹ کو بھی سول ایوارڈ دیا جانا چاہیے، یاسر امتیاز اعوان

دبئی (طاہر منیر طاہر) جیولن سپر اسٹار ارشد ندیم نے ملک کا پہلا انفرادی گولڈ میڈل حاصل کیا، یہ 32 سال میں کسی بھی رنگ کا پہلا اور 40 سال میں پہلا گولڈ میڈل ہے۔ 27سالہ اولمپیئن نے دنیا بھر میں تمام پاکستانیوں کا سر فخر سے بلند کردیا۔ اس کا 92.97m کا زبردست تھرو جس نے اولمپک ریکارڈ کو توڑ دیا، اچھی خبروں کی پیاسی قوم کے لیے مشہور کا باعث بن گیا۔

پاکستان کو 40 سال بعد یہ خوشی کا لمحہ ملا ہے۔ 14 اگست کی تقریبات سے یہ دوہرا لطف بن گیا ہے۔ ان خیالات کا اظہار ملک یاسر امتیاز اعوان نے پاکستان کے لیے گولڈ میڈل لانے اور تمام پاکستانیوں کا سر فخر سے بلند کرنے والے ارشد ندیم کے بارے کیا اور انہیں اس عظیم کامیابی پر مبارکباد دی۔

یاسر اعوان نے کہا کہ ارشد ندیم نے قومی ہیرو کے طور پر اپنی حیثیت کو مستحکم کیا ہے اور اب وہ کھیلوں میں بہترین کارکردگی کی نمائندگی کرنے والے آئیکن ہیں۔انہوں نے کہا کہ موجودہ حکومت کی جانب سے ارشد ندیم کو ملک کے دوسرے اعلیٰ ترین سول ایوارڈ ہلال امتیاز سے نوازنا ایک اچھا اقدام ہے۔

یہ پاکستان کے نوجوان کھلاڑیوں کے لیے حوصلہ افزا ہوگا جبکہ ارشد ندیم کے ساتھ ساتھ ان کے کوچ سلمان بٹ کو بھی سول ایوارڈ دیا جانا چاہیے، وہ بھی اسی اعزاز کے مستحق ہیں۔