تقریب کے مہمان خصوصی قونصل جنرل آف پاکستان حسین محمد تھے
یہ کتاب مستقبل کی تشکیل کے لیے درکار مہارتوں سے آراستہ ہے جو خواہشمند کاروباری افراد کے لیے قیمتی بصیرت اور ضروری رہنمائی فراہم کرتی ہے
کتاب کی فروخت سے حاصل ہونے والی تمام آمدنی سے یتیموں کی مدد کی جائے گی، مصنف عتیق احمد
دبئی (طاہر منیر طاہر) پاکستانی کاروباری شخصیت عتیق احمد کی کتاب “Thinking into Success” کی تقریب رونمائی دبئی میں منعقد ہوئی۔ تقریب کے مہمان خصوصی قونصل جنرل آف پاکستان حسین محمد تھے۔
قونصل جنرل حسین محمد نے اس موقع پر اپنے خطاب میں مصنف کی کاوشوں کی تعریف کی اور اس بات پر زور دیا کہ پاکستانی کمیونٹی نے مختلف شعبوں میں نمایاں کامیابیاں حاصل کی ہیں، عتیق احمد کی کتاب اس جذبے کو جلا بخشنے میں معاون ہو گی ۔
انہوں نے کہا کہ یہ کتاب افراد کو اپنے مستقبل کی تشکیل کے لیے درکار مہارتوں سے آراستہ کر کے خواہشمند کاروباری افراد کے لیے قیمتی بصیرت اور ضروری رہنمائی فراہم کرتی ہے۔بیان کے مطابق کتاب کی فروخت سے حاصل ہونے والی تمام آمدنی سے یتیموں کی مدد کی جائے گی جو عتیق احمد کی انسان دوستی کے عزم کی عکاسی کرتی ہے۔
یہ کتاب امیزون،گلف نیوز آن لائن سٹور اور کینوکنیہ جیسے بڑے بک سٹورز پر دستیاب ہے۔