آسٹریا:پاکستانی صحافی محمد عامر صدیق کیلئے ایک اور بڑا اعزاز، ویانا پولیس کی جانب سے صحافیوں کی ٹریننگ پروگرام مکمل کر لیا

آسٹریا،ویانا (محمد عامر صدیق سے) پاکستانی صحافی محمد عامر صدیق کے لیے ایک اور بڑا اعزاز،وہ پہلے پاکستانی صحافی ہیں جنہوں نے ویانا پولیس کی جانب سے صحافیوں کی ٹریننگ پروگرام مکمل کیا ہے۔

ویانا پولیس کی جانب سے صحافیوں کے لیے ایک ٹریننگ پروگرام کہ عنوان "اجتماع میں صحافیوں کا طرز عمل” کا اہتمام کیا گیا۔ یہ ٹریننگ کا اہتمام ویانا پولیس ڈیپارٹمنٹ کمانڈ سینٹر ( ایل پی ڈی) کے کمانڈ روم،/ ٹاپ فلور، شوٹننگ ایک ڈسٹرکٹ ویانا میں 25 مارچ بروز منگل کو کیا گیا۔ جس میں آسٹریا بھر سے آسٹرین جرنلسٹ کلب کے رجسٹرڈ جرنلسٹوں نے شرکت کی۔ریلیاں اور مظاہرے بار بار شرکاء، صحافیوں اور قانون نافذ کرنے والے اداروں کے درمیان تصادم کے مواقع فراہم کرتے ہیں۔

پولیس ڈیپارٹمنٹ کی ٹاسک فورس کے (آفیسر کرونل روڈولف ہاس) نے حفاظتی تربیت کے حوالے سے صحافیوں کو آگاہی دی۔ مزید انہوں نے بڑی اسکرین پر ویانا میں ڈرون کس طریقے سے کام کرتے ہیں اور کیا قانون صحافیوں پر لاگو ہوتے ہیں۔ اس کے حوالے سے تفصیلی آگاہی دی۔

مزید ان کا کہنا تھا کہ صحافت تمام شعبوں میں موجود ہے اور اس کے لیے آداب، تربیت، ضابطہ اخلاق اور تعلیم کی بھی ضرورت ہے۔ ہمارے ڈیپارٹمنٹ کی پوری کوشش ہوتی ہے کہ ہم صحافیوں کے ساتھ مل کر چلیں اور تعاون کریں۔

یاد رہے یہ ٹریننگ پروگرام پانچ گھنٹے کا تھا، جس میں پہلے پاکستانی صحافی محمد عامر صدیق جو کہ آسٹریا میں رجسٹرڈ ہیں ان کو آسٹرین جنرلسٹ کلب اور ویانا پولیس کی جانب سے مدو کیا گیا تھا کہ وہ آئیں اور اس ٹریننگ پروگرام کا حصہ بنیں۔ جہاں انہیں خصوصی طور پر سرٹیفکیٹ بھی دیا گیا۔

اس موقع پر سوالات اور جوابات کا سلسلہ بھی جاری رہا، ٹریننگ پروگرام کے آخر میں آسٹرین جرنلسٹ کلب کی جانب سے پولیس ڈیپارٹمنٹ کا شکریہ ادا کیا گیا کہ انہوں نے یہ صحافیوں کو مو قع دیا اور صحافیوں کے ساتھ مل کر چلنے کا عزم کیا۔