برلن(رپورٹ:مہوش ظفر)جرمنی کے دارالحکومت برلن میں عین اسی جگہ آج صبح بے قابو گاڑی فٹ پاتھ پر موجود لوگوں پر چڑھ گئی جہاں اب سے کچھ عرصہ قبل کرسمس کے موقع پر ایک دہشتگردی کے واقعہ میں کئی افراد پر ٹرک چڑھا دیا گیا تھا۔
تفصیلات کے مطابق آج صبح برلن کے سیاحتی مقام کرفسٹر ڈام پر ایک تیز رفتار گاڑی فٹ پاتھ پر موجود افراد پر چڑھ گئی جس سے وہاں موجود ایک شخص موقع پر ہی دم توڑ گیا ۔
جبکہ 8 افراد کے زخمی ہونے کی اطلاعات ہیں جس میں متعدد کی حالت نازک بتائی جارہی ہے۔
جائے وقوعہ پر موجود پولیس چیف نے میڈیا سے بات کرتے ہوئے حادثے کی تفصیلات بتاتے ہوئے کہا کہ تیز رفتار گاڑی بے قابو ہوکر پہلے فٹ پاتھ پر چڑھی اور اس کے بعد دکان کے اندر گھس گئی ۔
پولیس، فائر بریگیڈ کے عملے نے فوری موقع پر پہنچ کو صورتحال کو قابومیں کیا،29 سالہ ڈرائیور کو گرفتار کرلیا گیا ہے۔مرنے والے کی عمر 72 سال بتا ئی جارہی ہے۔مزید تحقیقات ابھی جاری ہیں۔پولیس نے پورے علاقے کو گھیرے میں لے رکھا ہے۔