آسٹریا میں پاکستانی سفیرآفتاب اور فنڈ کے ڈی جی عبدالحمید نے معاہدے پر دستخط کئے
منصوبے سے 800میگاواٹ اضافی بجلی پیدا ہوگی، 15000 ہیکٹر اراضی سیراب ہوگی
ویانا (اکرم باجوہ) سفیر پاکستان ویانا آسٹریا آفتاب احمد کھوکھر نےحکومت پاکستان کی جانب سے مہمند ڈیم ہائیڈرو پاور پروجیکٹ (MDHP) کے لیے اوپیک فنڈ برائے بین الاقوامی ترقی (OFID) کے ساتھ قرض کے معاہدے پر دستخط کیے۔ جو اسلامی ترقیاتی بینک، کویت فنڈ اور سعودی فنڈ کے تعاون سے چل رہا ہے۔
اس معاہدے کے تحت یہ فنڈ مہمند ڈیم ہائیڈرو پاور پراجیکٹ کے لیے 72 ملین امریکی ڈالر فراہم کرے گا۔ قرض کے معاہدے پر آسٹریا میں پاکستان کے سفیر ایچ ای آفتاب احمد کھوکھر اور اوپیک فنڈ کے ڈائریکٹر جنرل جناب عبدالحمید الخلیفہ معاہدے پر دستخط کیے ۔مہمند ڈیم ہائیڈرو پاور پراجیکٹ جو خیبر پختونخوا کے ضلع مہمند میں واقع ہے۔
ملک کی نصب شدہ قابل تجدید توانائی کی صلاحیت میں 800 میگاواٹ کا اضافہ کرے گا اور ایک بار مکمل ہونے کے بعد پشاور شہر کے 20 لاکھ رہائشیوں کو پائیدار، پینے کا پانی فراہم کرے گا۔ یہ منصوبہ تقریباً 15,000 ہیکٹر کھیتوں میں فصلوں کی زیادہ پیداوار کے ذریعے خوراک کی حفاظت کو بھی بہتر بنائے گا جبکہ سیلاب کے خلاف خطے کی لچک کو بہتر بنائے گا۔
اس ڈیم میں 1.6 ملین کیوبک میٹر کے ذخائر اور ڈائیورژن سرنگیں ہوں گی جو نئی اور موجودہ آبپاشی کی نہروں میں پانی ڈالیں گی۔