پاکستان پیپلز پارٹی یو اے ای کے زیراہتمام شارجہ میں محترمہ بے نظیر بھٹو شہید کی69 ویں سالگرہ تقریب

محترمہ ایک عظیم لیڈر تھیں،انہوں نے ہمیشہ پاکستانی عوام کی خوشحالی اور حقوق کیلئے جدو جہد کی،میاں منیر ہانس

مقررین کا پاکستان کے لئے کی گئی جدو جہد پر بھٹو خاندان کو خراج تحسین

آنیوالے وقت میں بلاول بھٹو زرداری شہید محترمہ بے نظیر بھٹو کے مشن کو پورا کرینگے، ملک خادم شاہین

دبئی(طاہر منیر طاہر)پاکستان پیپلز پارٹی یو اے ای کے زیر اہتمام محترمہ بے نظیر بھٹو شہید کی69 ویں سالگرہ کی تقریب کا انعقاد شارجہ کےایک ریسٹو رنٹ میں کیا گیا۔ تقریب کا آغاز ڈاکٹر اکرم شہزاد نے تلاوت اور نعت شریف سے کیا جبکہ اسٹیج سیکرٹری کے فرائض پی پی یو اے ای کے جنرل سیکرٹری ملک خادم شاہین نے انجام دیئے۔

اس موقع پر پی پی یو اے ای کے صدر سردار جاوید یعقوب، ملک خادم شاہین، علی گوہر شہانی سنیئر نائب صدر یو اے ای اور گلف کے صدر میاں محمد منیر ہانس اور دیگر نے محترمہ بے نظیر بھٹو شہید کو خراج تحسین پیش کرتے ہوئے کہا کہ محترمہ نے پاکستان میں جمہوریت کو مضبوط کرنے کیلئے اپنی جان قربان کی ،ہم بھٹو خاندان کی اپنے ملک کیلئے کی گئی جدو جہد پران کو خراج تحسین پیش کرتےہیں، انہوں نے کہا کہ محترمہ ایک عظیم لیڈر تھیں، انہوں نے ہمیشہ پاکستان کے عوام کی خوشحالی اور حقوق کے لئے جدو جہد کی۔

مقررین نے مزید کہا کہ آنیوالے وقت میں بلاول بھٹو زرداری شہید محترمہ بے نظیر بھٹو کے مشن کو پورا کریں گے،محترمہ نے پاکستان میں جمہوریت کو مضبوط کرنے کیلئے اپنی جان قربان کی، ہم بھٹو خاندان کی اپنے ملک کیلئے کی گئی جدو جہد پر خراج تحسین پیش کرتے ہیں۔

تقریب میں محترمہ بے نظیر بھٹو کی69 ویں سالگرہ کا کیک کاٹا گیا اور مرحومہ کیلئے خصوصی دعا کی گئی۔

تقریب میں قیصر آفریدی، محمد قاسم بلوچ، راشد چغتائی، چوہدری ناصر محمود، چوہدری سجاد نذیر لیڈ یز ونگ یو اے ای کی جنرل سیکرٹری زاہدہ ملک اعوان، ندیم شیخ، محمد اسلم خاص خیلی، مسز عزت اسلم، رضوان عبداللہ، چوہدری اخلاق احمد، ملک سجاول خادم، ملک سانول خادم، مسز راشد چغتائی، ندیم شیخ، مسز ندیم کے علاوہ کارکنوں، عہدیداران اور جیالوں نے کثیر تعداد میں شرکت کی۔

آخر میں میزبان ملک خادم شاہین نے تقریب میں شرکت کرنے پر تمام مہمانوں کا دلی شکریہ ادا کیا۔