پاکستانی ایسوسی ایشن دوبئی سماجی،فلاحی،میڈیکل اورتعلیمی سرگرمیوں کیساتھ ساتھ سپورٹس کے فروغ کیلئےاہم رول ادا کررہی ہے،ڈاکٹرفیصل اکرام
ہم پاکستان کا دیارغیر میں مثبت امیج پیش کرنا چاہتے ہیں،ابوبکر امتیاز ڈائریکٹر سپورٹس
دبئی (طاہر منیر طاہر) یوم آزادی پاکستان کی تقریبات کے سلسلے میں پاکستان ایسوسی ایشن دوبئی کے زیر انتظام’’یوم آزادی سپر6 کرکٹ ٹورنامنٹ‘‘کی تیاریاں عروج پر ہیں،اس سلسلہ میں پریس کانفرنس کا اہتمام پاکستان ایسوسی ایشن دبئی میں کیا گیا ۔
اس موقع پر ڈاکٹر فیصل اکرم صدر پاکستان ایسوسی ایشن دوبئی، شاہد السلام، زاہدحسین ممبر بورڈ آف ڈائریکٹر،ابوبکر امتیاز ڈائریکٹر سپورٹس، داؤد شریف ڈائریکٹر ایجوکیشن، محمد رضوان شریف، خالد امتیاز، راجہ امجد کبیر صدر پاک چنار ونگ ،شرکت کرنے والی ٹیموں کے منیجرز،کپتانوں اور کھلاڑیوں کی بڑی تعداد نے شرکت کی ۔
آغاز کرتے ہوئے ابوبکر امتیاز نے بتایا کہ سپر آزادی کرکٹ کپ ہر سال کی طرح جشن آزادی کی تقریبات کے ساتھ 12 سے 13 اگست جوش و خروش سے بڑے پیمانے پر منعقد کیا جا رہا ہے، اس ٹورنامنٹ میں بہترین 16 ٹیمیں شرکت کر رہی ہیںجنہیں چار گروپوں میں تقسیم کیا گیا ہے، گروپوں میں ہر ٹیم ایک دوسرے سے میچ کھیلے گی۔
گروپ کی دو بہترین پوزیشن حاصل کرنے والی ٹیمیں کوارٹر فائنل، سیمی فائنل، ناک آئوٹ کی بنیاد پر کھیلیں گی،فائنل 13 اگست کو کھیلا جائے گا ،ونر ،اور رنراپ کو ٹرافی کے ساتھ ساتھ کیش انعامات بھی دیئے جائیں گے، اس ٹورنامنٹ میں پاکستانیوں کے علاوہ دیگر کمیونٹی کے کھلاڑی بھی حصہ لیں گے۔
ہم پاکستان کا دیار غیر میں مثبت امیج پیش کرنا چاہتے ہیں، کھیل کے ذریعے ہم یہ پیغام دینا چاہتے ہیں کہ ہما رے نوجوان مثبت سرگرمیوں کے ساتھ اپنے آپ کو مصروف رکھیں، انہوں نے مزید بتایا کہہم ایک ادارہ ہیںاپنے ذرائع سے محدود لوگوں تک اپنا پیغام پہنچا سکتے ہیں۔
میڈیاہما را ساتھ دے تاکہ یہ مثبت پیغام زیادہ سے زیادہ لوگوں تک پہنچے، پاکستان کا مثبت امیج دیگر اقوام تک پہنچے، ڈاکٹر فیصل اکرم نے بتایا کہ پاکستانی ایسوسی ایشن دوبئی سماجی، فلاحی،میڈیکل اور تعلیمی سرگرمیوں کے ساتھ ساتھ سپورٹس کے فروغ کے لئے ا ہم رول ادا کر ر ہا ہے۔
یہ منی پاکستان ہے یہاں کی سرگرمیوں میں سب پاکستانی حصہ لیں ،یہ آپ کا اپنا گھر ہےمتحدہ عرب امارات حکومت نے ہمیں تمام سہولتیں میسر کیہوئی ہیں، یواے ای کے قوانین کے اندر رہ کر آپ سب یہاں کی سرگرمیوں میں حصہ لیں۔
اس موقع پر ڈاکٹر فیصل اکرم نے ڈرا کے ذریعے کھلاڑیوں میں رنگین کٹ بھی تقسیم کیں اور ٹرافی کی رونمائی بھی کی گئی۔