مئیرآف تھرک کونسلرجیمزہالڈن کی تمام پاکستانیوں کو پچھترویں یوم آزادی پرمبارکباد
تھرک کونسل کے دفاتر میں پاکستان کی آزادی کی تقریب کا انعقاد میرے لئے اعزاز کی بات ہے،کونسلر قیصرگوندل
تھرک(نمائندہ خصوصی)تھرک کونسل کے کیبنٹ ممبر فار کمیونٹیز کونسلر قیصر عباس گوندل نے مئیر پارلر میں پاکستان کی پچھترویں یوم آزادی کی تقریب کا اہتمام کیا۔ تقریب میں مئیر تھرک کونسل کونسلر جیمز ہالڈن، کونسل لیڈر کونسلر راب گلیڈہل ، شیخ رضوان انجم ایڈووکیٹ، سالیسٹر رومانہ کوثر، جمیل حسین، انیتا شرما، ہی چنگ اور ساجد خان سمیت مختلف کمیونٹیز کے نمائندہ افراد نے شرکت کی۔
پاکستان کے معروف گلوکار سہیل سلامت نے پاکستانی گانے گائے اور سپیشل تیار کردہ کیک بھی کاٹا گیا۔
اس موقع پر بات کرتے ہوئے مئیر آف تھرک کونسلر جیمز ہالڈن کا کہنا تھا کہ مجھے آج مختلف کمیونٹیز کے افراد سے مل کر اچھا لگا ہے اور میں تمام پاکستانیوں کو پچھترویں یوم آزادی پر مبارکباد پیش کرتا ہوں۔
کونسلر قیصر گوندل کا اس موقع پر کہنا تھا میرے لیے یہ ایک اعزاز ہے کہ آج پہلی دفعہ پاکستان کی آزادی کی تقریب تھرک کونسل کے دفاتر میں منعقد کی ہے۔ ہم مختلف کمیونٹیز کی خوشیوں میں شریک ہوتے ہیں اور ہما ری کوشش ہے کی سب کو ساتھ کے کر چلیں۔ ہماری طرف سے تمام پاکستانیوں کو یوم آزادی کی پیشگی مبارکباد۔
تقریب کے اختتام پر گلوکار سہیل سلامت اور نیپالی فلم پروڈیوسر و ایکٹر کیشوکمار لمبو کو خصوصی ایوارڈز بھی د یئے گئے۔