ناموں کا اعلان پاکستان مسلم لیگ ن انٹرنیشنل افیئرز کے چیف کوارڈینیٹر بیرسٹر امجد ملک نے دبئی میں کیا
تقریب کا اہتمام مسلم لیگ ن متحدہ عرب امارات وومن ونگ کی صدر اور سوشل میڈیا ٹیم کی ہیڈ فرزانہ کوثر نے دبئی کے ایک ہوٹل میں کیا
تمام عہدیدار اپنی اپنی ذمہ داریاں بطریق احسن نبھائیں، بیرسٹر امجد ملک
دبئی (طاہر منیر طاہر) پاکستان مسلم لیگ ن انٹرنیشنل افیئرز کے چیف کوارڈینیٹر بیرسٹر امجد ملک نے گزشتہ دنوں متحدہ عرب امارات کا دورہ کیا، اس موقع پر مسلم لیگ ن متحدہ عرب امارات وومن ونگ کی صدر اور سوشل میڈیا ٹیم کی ہیڈ فرزانہ کوثر نے دبئی کے ایک پوش ہوٹل میں ان کے اعزاز میں ایک خصوصی تقریب کا اہتمام کیا۔
تقریب میں پی ایم ایل این، یو اے ای کی جنرل سیکرٹری ڈاکٹر فوزیہ کاشف، پی ایم ایل این، یو اے ای کے صدر محمد غوث قادری، چیئرمین غلام مصطفیٰ مغل، جنرل سیکرٹری راجہ ابو بکر آفندی، عبدالمجید مغل، میاں غلام محی الدین، شیخ شعور قدوس، جان قادر، طاہر بھنڈر، عامر سہیل گھمن، محمد نعیم، محبوب احمد، معظم خان، چودھری راشد فاروق، ملک رشید اعوان اور دیگر بہت سے لیگی کارکنوں نے شرکت کی۔
اس تقریب میں پاکستان مسلم لیگ ن متحدہ عرب امارات اور سوشل میڈیا ٹیم کے عہدیداروں کے ناموں کا اعلان کیا گیا اور انہیں نوٹیفکیشن دیے گئے۔
اس موقع پر بیرسٹر امجد ملک نے کہا موجودہ عہدے سینئر لوگوں سے مشاورت اور پاکستان مسلم لیگ ن انٹرنیشنل افیئرزکے صدر اسحاق ڈار کی منظوری سے تفویض کئے گئے ہیں، آپ سب کو یہ عہدے مبارک ہوں، میں امید کرتا ہوں کہ آپ تمام عہدیداران اپنے عہدوں سے انصاف کرتے ہوئے پاکستان مسلم لیگ ن کی ترویج و اشاعت کے لئے دل و جا ن سے کام کریں گے۔
اپنے قائد محمد نواز شریف کے بیانیے کو آگے بڑھائیں گے اور پاکستان مسلم لیگ ن کے ووٹ بینک میں اضافہ کریں گے،اس موقع پر عبدالمجید مغل کو بزنس ونگ کا صدر مقرر کرتے ہوئے انہیں اعزازی شیلڈ عطا کی۔
جان قادر کو پی ایم ایل این، یو اے ای منارٹی ونگ بطریق احسن چلانے پرتعریفی شیلڈ دی اور طاہر بھنڈر کو یوتھ ونگ میں نئی روح پھونکنے، پی ایم ایل این، یو اے ای کے نوجوانوں کو ایک پلیٹ فارم پر اکٹھا اور متحد کرنے پر خراج تحسین پیش کرتے ہوئے انہیں اعزازی شیلڈ پیش کی۔
پاکستان مسلم لیگ ن انٹرنیشنل افیئرز کے چیف کوارڈینیٹر بیرسٹر امجد ملک نے تقریب منعقد کرنے پرفرزانہ کوثر کا شکریہ ادا کیا اور تقریب میں موجود تمام نئے عہدیداروں کو اپنی اپنی ذمہ داریاں بطریق احسن نبھانے کی تلقین کی۔