پاکستان پیپلز پارٹی گلف و مڈل ایسٹ کے جیالوں نے آصفہ بھٹو زرداری کی سالگرہ دبئی میں منائی

خوشی کے اظہار کے لیے کیک کاٹا گیا اور ایک دوسرے کو مبارکباد دی گئی

ہمیں آصفہ بھٹو زرداری کی شکل میں شہید بینظیر بھٹو نظر آتی ہیں، مقررین

آصفہ بھٹو زرداری نے کم عمری میں عوام الناس کے لیے جو کام کیے وہ قابل تعریف ہیں

دبئی (طاہر منیر طاہر) خاتون اول پاکستان آصفہ بھٹو زرداری کی سالگرہ پی پی پی گلف کے زیر اہتمام منائی گئی،پاکستان پیپلز پارٹی گلف مڈل ایسٹ کے جیالوں اور عہدیداروں نے خاتون اول پاکستان ، شہید بینظیر بھٹوکی بیٹی آصفہ بھٹو زرداری کی سالگرہ جوش وخروش سے دبئی کے مقامی ہوٹل میں منائی اور کیک کاٹا۔

پروگرام کے میزبان ملک محمد اسحاق صدر پیپلز پارٹی پالیسیز اینڈ پلاننگ خلیج اور مشرق وسطیٰ نے کہا پاکستان پیپلز پارٹی اور اسکی پوری قیادت سے ہمارا دیرینہ اور محبت کا رشتہ ہے پاکستان پیپلز پارٹی ایک خاندان کی طرح ہے اور ہم اپنے لیڈروں کی خوشیوں میں ہمیشہ شریک رہتے ہیں۔

ذوالفقارعلی مغل سیکریڑی انفارمیشن پیپلز پارٹی گلف مڈل ایسٹ نے پروگرام کی نظامت کرتے ہوئے کہا کہ بیرون ممالک بالخصوص مڈل ایسٹ میں باشعور پاکستانیوں اور پیپلز پارٹی کے جیالوں اور یہاں پارٹی قیادت جسطرح پارٹی کی نمائندگی کرتی ہے اس کی مثال پاکستان کی کسی دوسری جماعت کے لوگوں میں نظر نہیں آتی ۔

پروگرام کی صدارات کرتے ہوئے پیپلز پارٹی گلف و مڈل ایسٹ کے صدر میاں منیر ہانس نے آصفہ بھٹو زرداری کا اس کم عمری میں جس طرح صدر پاکستان آصف علی زرداری چیرمین بلاول بھٹو زرداری کا ساتھ دیا اور عوام کے دکھ درد کو سمجھا اور عوام الناس کے لیے جو کام کیے وہ قابل تعریف ہیں ۔

ملک محمد اسلم ایڈیشنل جنرل سیکریڑی ، عرفان قمر گوندل ڈپٹی جنرل سیکریڑی و دیگر مقررین نے کہا ہمیں آصفہ بھٹو زرداری کی شکل میں شہید بینظیر بھٹو نظر آتی ہیں ۔

تقریب میں رائے خالد بھٹی ، فیصل ناٹھوکا ، مشتاق وانی ، فرخ سیدین ، ملک عمران اور دیگر پارٹی کارکنان نے شرکت کی،پروگرام کے آخرتمام مہمانوں کے لیے اشیائے خورد و نوش کا اہتمام بھی کیا گیا۔