وفد میں PIA کی طرف سے ذیشان احمد، رضوان حشمت اور قاسم عباسی نے شرکت کی
ہیڈ آف کیمپس SZABIST دبئی ڈاکٹر ہمایوں نعیم نے وفد کا خیرمقدم کیا
دبئی کیمپس کے سٹوڈنٹس نے پی آئی اے پر اپنا اسٹریٹجک مارکیٹنگ پروجیکٹ پیش کیا
طلباء کے تیار کردہ کام کو سراہا اورانہیں PIA کی طرف سے تعریفی سند سے نوازا گیا
دبئی (طاہر منیر طاہر) پاکستان انٹرنیشنل ایئر لائنز(PIA) کے ایک وفد نے گزشتہ دنوں شہید ذوالفقارعلی بھٹو انسٹیٹیوٹ آف سائنس اینڈ ٹیکنالوجی SZABIST کا دورہ کیا۔
وفد میں PIA کی طرف سے ذیشان احمد، رضوان حشمت اور قاسم عباسی نے شرکت کی،وفد کا خیرمقدم پروفیسر ڈاکٹر ہمایوں نعیم، ہیڈ آف کیمپس SZABIST دبئی نے کیا اور وفد کو کیمپس کی سرگرمیوں کے بارے میں بریفنگ دی گئی۔
وفد کووزٹ کے دوران کیمپس کے احاطے اور وسائل کے بارے بھی بتایا گیا، دورے کے آخری مرحلے میں دبئی کیمپس کے ایم بی اے کے طلباء عبداللہ زبیر، سیدہ عروج اورایم عبید نے پی آئی اے پر اپنا اسٹریٹجک مارکیٹنگ پروجیکٹ پیش کیا اورعالمی ایوی ایشن اور ایئر لائن انڈسٹری کے طریقوں کے مکمل تجزیے کی بنیاد پر طلباء نے پی آئی اے کی جانب سے اپنی خدمات کی قدر میں اضافے کے لیے مستقبل کے لائحہ عمل کو اپنانے کا مشورہ دیا۔
ذیشان احمد نے طلباء کے تیار کردہ کام کو سراہا اور آخر میں طلباء کو PIA کی طرف سے تعریفی سند سے نوازا اور ان کی حوصلہ افزائی کی کہ وہ مستقبل میں پی آئی اے کی جانب سے ضروری عمل درآمد کے لیے مزید کارآمد تجاویز پیش کریں۔