مانچسٹر میں سمائل ایڈ چیریٹی اور مرسڈیز مانچسٹر کے اشتراک سے رمضان اپیل افطار ڈنر کا اہتمام،کمیونٹی کی بھرپور شرکت

مانچسٹر (محمد فیاض بشیر سے) مانچسٹر میں سمائل ایڈ چیریٹی اور مرسڈیز مانچسٹر کے اشتراک سے رمضان اپیل افطار ڈنر کا اہتمام کیا گیا جس میں بڑی تعداد میں کمیونٹی نے شرکت کی اور اس مقدس مہینے میں دل کھول کر آپنے عطیات پیش کیے اور ایک لاکھ پونڈ سے زائد کی خطیر رقم اکٹھی کی گئی ۔

افطار ڈنر کے شرکاء سے خطاب کرتے ہوئے چیئرمین سمائل ایڈ ابوبکر سرور اور شہباز سرور کا اپنی اور اپنے تمام سپانسرز کی طرف سے شرکاء کا شکریہ ادا کرتے ہوئے کہنا تھا کہ رمضان کا مہینہ برداشت اور ایک دوسرے کو معاف کرنے کا درس دیتا ہے اس میں دوست احباب اور فیملی سب ملکر اکٹھے نہ صرف روزہ افطار کرتے ہیں بلکہ یہ ایک کمیونٹی ہم آہنگی کی بھی بہترین مثال ہے۔

تقریب میں معروف کامیڈین مانی لیاقت نے اپنے برجستہ جملوں سے حاضرین کو خوب محظوظ کیا۔ اس موقع پر میڈیا سے مرسڈیز بینز مانچسٹر کے ریجنل ہیو مین ریسورسز منیجر ہارون شیخ ، ورکرز پارٹی بریٹن کے سربراہ جارج گیلوے ، جج بیرسٹر عابد حسین ،سالیسٹر بشری اور دیگر نے اظہار خیال کرتے ہوئے کہا کہ سمال ایڈ چیریٹی دنیا بھر میں دکھی انسانیت کی خدمت کر ر ہی ہے، انکے ساتھ مکمل تعاون کرنا چاہئے۔

تقریب میں اسٹیج سیکریٹری کے فرائض مارکس ندیم نثار نے خوبصورتی سے نبھائے۔ افطار ڈنر تقریب میں ورکرز پارٹی بریٹن کے سربراہ جارج گیلوے، محبوب خان، او پی سی کے وائس چیئرمین بیرسٹر امجد ملک، معروف کاروباری شخصیئت چوہدری مسرت علی، ورکرز پارٹی کے نائب سربراہ امتیاز احمد، امجد مغل ، معروف سنگر ماز بونا فائڈ ، انڈس پرنٹ کے چیف ایگزیگٹو چودھری نواز علی ، چودھری اختر ملوانہ ، چوہدری طاہر، ندیم خان، ذوالفقار علی مہر، ماجد نزیر اور فری ملک نے خصوصی شرکت کی۔