دبئی (سپورٹس رپورٹ) بین الاقوامی کرکٹ میں شاندار ڈیبیو کرنا کوئی اعزاز نہیں ہے جس پر بہت سے کرکٹرز فخرکر سکتے ہیں تاہم آریان لاکرا نے اگست 2022 میں امریکہ کے خلاف اپنے ون ڈے ڈیبیو میں 84 رنز بنا کر اپنی موجودگی کا شدت سے احساس دلایا تھا۔
ورلڈ انٹرنیشنل لیگ ٹی 20 کے سیزن 2 کے لئے ڈیزرٹ وائپرز نے آل راؤنڈر آریان لاکرا کی خدمات حاصل کرلی ہیں جو ٹورنامنٹ کے افتتاحی ایڈیشن میں رنر اپ رہے تھے۔ وہ متحدہ عرب امارات کی انڈر 16اور انڈر 19ٹیموں کی کپتانی کرچکے ہیں 2020کے آئی سی سی انڈر 19ورلڈ کپ میں حصہ لینے والی ٹیم میں بھی شامل تھے۔
آریان کی رائے میں ورلڈ آئی ایل ٹی 20ان جیسے نوجوان کھلاڑیوں کے لئے ایک بڑا پلیٹ فارم فراہم کررہا ہے ،سیزن 1ایک بڑی کامیابی تھی اور آگے چل کر ٹورنامنٹ مزید سپر اسٹارز کے آنے سے ٹورنامنٹ بہت بڑا ہونے والا ہے۔ آریان ان تمام بڑے ناموں کے ساتھ کھیلنے کے منتظر ہیں 2024ایڈیشن کا حصہ لے ہیں۔
انہوں نے کہا کہ ہماری ٹیم میں ایلکس ہیلز، کولن منرو اور اعظم خان جیسے کھلاڑی موجود ہیں لہذا میں ان کے ساتھ کھیلنے اور ان سے سیکھنے کا منتظر ہوں۔ انہوں نے کہا کہ اعظم خان کرکٹ کے بہترین اسٹرائیکرز میں سے ایک ہیں اور ہم اسی طرح کے حالات میں بیٹنگ کرتے ہیں لہذا میں یقینی طور پر ایک یا دو چیزوں میں ان کا انداز اپنانے کی کوشش کروں گا ۔