ادارہ هذا کے فارغ التحصیل طلباء اور طالبات بہترین عہدوں پر فائز ہیں
سکول کی پرنسپل مس شمائلہ احمد نے اپنے اسٹاف کے ساتھ بچوں کا والہانہ استقبال کیا
عید کی چھٹیوں کے بعد نئے سیشن کے آغاز پررنگ برنگے کپڑوں میں ملبوس بچوں نےاپنی خوشی کا اظہار پرنسپل اور اپنےاساتذہ کے ساتھ تصاویر بنوا کر کیا
دبئی (طاہر منیر طاہر) پاکستان ایجوکیشن اکیڈمی دبئی جدید سہولتوں سے آرا ستہ پاکستانی تعلیمی ادارہ ہے،یہ ادارہ ہمیشہ سے اپنے طلباء کی عمدہ تعلیم و تربیت کے لئے کوشاں ہے۔ اس کی شانداراور خوبصورت عمارت کے درودیوار نے یہاں پر بہت سی نسلوں کو پروان چڑھتے اوربہترین عہدوں پر فائز ہوتے دیکھا ہے۔
عید کی چھٹیوں کے بعد نئے سیشن کے آغاز پر بچے ہاتھوں میں بستے لئے دمکتے چہروں کے ساتھ اٹھکیلیاں کرتے ہوئے جب اسکول کے گیٹ پر پہنچے تو ان کی خوشی دیدنی تھی کیونکہ سکول کی پرنسپل مس شمائلہ احمد نے اپنے اسٹاف کے ساتھ ان کا والہانہ انداز سےاستقبال کیا۔
اسکول کی گراؤنڈ میں اسٹال سجے ہوئے تھے،بچوں نے فوٹو فریمز میں تصاویر بنوائیں،اسٹالز پر موجود سٹاف نے انہیں چاکلیٹس دیں، بچیوں کے ہاتھوں پر مہندی لگائی اور سب کے چہروں پر پینٹنگ کی۔
ایجوکیشن اکیڈمی کے اساتذہ نے بچوں کی تفریح کے لئے کچھ دلچسپ کھیلوں کا اہتمام بھی کر رکھا تھا، بچوں نے بڑھ چڑھ کر ان میں حصہ لیا اور خوب لطف اندوز ہونے۔ ہر طرف میلے کا سماں تھا ۔
عید گالہ کی اس تقریب نے بچوں کی خوشیوں کو دوبالا کر دیا تھا، رنگ برنگے کپڑوں میں ملبوس بچوں نےاپنی خوشی کا اظہار پرنسپل اور اپنے پسندیدہ اسانذہ کے ساتھ تصاویر بنوا کر کیا۔