غلام حسین شاہد چیئرمین کنگڈم گروپ اور عمران خٹک چیئرمین PIPEX نے معاہدہ پر دستخط کئے
پائپیکس (PIPEX) کا اگلا شو کنگڈم گروپ کی سپانسرشپ میں عمان میں ہو گا
کنگڈم گروپ کے دبئی آفس اور PIPEX مسقط کا افتتاح ایک ساتھ ہوا
دبئی (طاہر منیر طاہر سے) پاکستان پراپرٹی ایکسپو (PIPEX) اور کنگڈم گروپ/ کنگڈم ویلی کے درمیا ن ایک کاروباری معاہدہ دبئی میں ہوا جس میں پراپرٹی کے بزنس سے وابستہ کاروباری لوگوں نے شرکت کی، متذکرہ کاروباری معاہدہ MOU چیئرمین کنگڈم گروپ غلام حسین شاہد اور چیئرمین PIPEX عمران خٹک کے درمیان ہوا۔
اس موقع پر رئیل اسٹیٹ سے وابستہ افراد میاں منیر ہانس ، یاسمین کنول، کبیر آفریدی، بختیار خٹک ، رمیز علی ، منظور بھٹی ، جنت آفریدی، عصام الدین اور دیگر بہت سے لوگ موجود تھے۔
شرکائے تقریب سے خطاب کرتے ہوئے چیئرمین کنگڈم گروپ غلام حسین شاہد ، عمران خٹک چیئرمین PIPEX اور میاں منیر ہانس نے کہا کہ کنگڈم گروپ کے زیر اہتمام کنگڈم ویلی ایک بہترین اور جدید رہائشی پروجیکٹ ہے جس پر پورے اعتماد کے ساتھ بھروسہ کیا جا سکتا ہے۔
اس منصوبہ میں پریمیم سرمایہ کاری کے لا تعداد مواقع موجود ہیں جن سے اوورسیز پاکستانیوں کو فائدہ اٹھانا چاہیے،چیئرمین PIPEX عمران خٹک نے کہا کہ (PIPEX) کا اگلا شو کنگڈم گروپ کی سپانسرشپ میں عمان میں ہو گا جس میں وہاں موجود پاکستانیوں کو نئے رہائشی منصوبوں کے بارے آگاہی دی جائے گی۔
متذکر تقریب میں کنگڈم گروپ کے دبئی آفس اور PIPEX مسقط کا افتتاح ایک ساتھ ہوا۔