تقریب میں غلام قادر راجہ کی پاکستانی کمیونٹی کے لیے خدمات کو خراج تحسین پیش کیا
عشائیہ تقریب کا اہتمام مسلم لیگ ن متحدہ عرب امارات کے ایڈیشنل جنرل سیکرٹری چوہدری محمد نواز نے کیا
تقریب میں پاکستانی کمیونٹی کے لوگوں اور ان کے دوست و احباب نے شرکت کی
دبئی (طاہر منیر طاہر) ایڈیشنل جنرل سیکرٹری مسلم لیگ ن متحدہ عرب امارات چوہدری محمد نواز نے دبئی و شارجہ کی معروف ، سماجی و کاروباری شخصیت غلام قادر راجہ کے اعزاز میں پرتکلف عشائیہ کا اہتمام شارجہ کے ایک مقامی ہوٹل میں کیا۔
تقریب سے قبل چودھری محمد نواز نے عشائیہ میں غلام قادر راجہ کے متعلق اپنے خیالات کا اظہار کرتے ہوئے کہا کہ غلام قادر راجہ ماضی میں کامیاب بزنس میں رہے ہیں جنہوں نے امارات کی تعمیر و ترقی میں اپنا احسن کردار نبھایا ہے،آجکل وہ پاکستان شفٹ ہو چکے ہیں اور جب بھی وہ امارات آتے ہیں اپنے پرانے دوستوں سے ضرور ملتے ہیں۔
اس بار بھی جب وو امارات تشریف لائے تو دوستوں سے ملاقات کے سلسلہ میں ان کے اعزاز میں ایک عشائیہ کا اہتمام کیا گیا جس میں ان کے دوست و احباب نے شرکت کی، تقریب کے دوران میزبان نے تمام دوستوں کا تعارف کروایا اور غلام قادر راجہ کی پاکستانی کمیونٹی کے لیے خدمات کو خراج تحسین پیش کیا۔
عشائیہ تقریب میں مسلم لیگ ن متحدہ عرب امارات کے چیئرمین غلام مصطفی مغل، شوکت محمود بٹ ، راجہ خالد محمود ، رانا محمد یوسف ، امير الله ،محمد شہزاد بٹ ،خلیل الرحمن بونیری، عبداللہ خان ، مرزا ظفر محمود ، عامر سہیل گھمن، راجہ عابد حسین ، عامر حسین بھٹی ، چوہدری راشد علی بریار، اور شیراز علی نے شرکت کی ۔
میزبان چوہدری محمد نواز نے تقریب میں شامل ہونے والوں کا شکریہ ادا کیا۔